Ойрын хоёр сар юу юу хийж амжуулсанаа бодсон чинь гавьтай юм гарсангүй. Жаахан харамсаж өөрийгөө голлоо. Гэхдээ яахав дээ, өнгөрсөн зүйлийг. Өнгөрсөнг бус ирээдүйг өөрчлөх боломж хүн байдагаас хойш түүнийг л өөрчлөх гэж мэрийхээс.
Хэдэн нөхдийн хамт "Экологийн антропологийн удиртгал" гэсэн номыг монгол бичгээс крилл үсэгт буулгав. Зарим хүмүүс монгол бичгээс буулгаад байхдаа яадийн гэж шоолох юм. Шоолох амархан хийх хэцүү байлаа даа даанч. Үг үсэг, хэл аялга гээд нэлээд юм зөрөөтэй байдаг юм байна нээрээ хүмүүс ээ. Дараа ийм ажил хийхгүй гэж өөртөө амалсан, харин биелэх болов уу яах бол. Манайханд антропологи гэдгээ мэдээд байгаа хүн нэлээд цөөн юм болов уу даа. Ямар сайндаа л антропологийг түүхийн нэг салбар гэж марзагнаж байхав дээ. Үүсэл болон үзэл баримтлалаараа түүхээс ялгаа зааг маш ихтэй салбар ухааныг. Тийм болохоор экологийн гэдэгт юуг багтаадаг талаар хариу өгөхөд муу ч гэсэн энэ ном бага саг хэрэг болох байх. Нэг их сайн ном биш л дээ гэхдээ яахав. Оргүйгээс орны өмнө шомбойж бай гэдэг дээ. Д.Бум-Очир багш, П.Чулуунбат багш нар найруулж байгаа тул сайжруулчих байх дөө нээрээ.
Дараагийн нэг ажил нь нэлээд тооны антропологичдын намтарыг орчууллаа. Энэ бас нэг ном болон гарна. Ирэх намраас л байх даа. Нэлээд дажгүй болно гэдэгт итгэж байна. Онол сэтгэлгээгээр сурах бичиг маягтай бичигдэж байгаа, гарахаар нь хүмүүс харна биз дээ. Одоогоор нууц болог.
Сүүлийн ажил маань Азийн Хөгжлийн Банкны саналаар Олон Улсын Монгол Соёлын Төв гүйцэтгэсэн нэгэн судалгааны ажил байлаа. Чойр, Сайншандаар долоон хоног яваад ирсэн. Хөгжилтэй сургамжтай сайхан судалгаа болсон. Мөнхтуул жинхэнэ антропологийн судалгаа гээл магтаад байгаа. Хэр болсонг сүүлд л мэдэх байх даа. Судалгаа хийх сайхан байсаан, мэргэжлээрээ амьсгалж, өвчин тусах, бас гар нийлсэн сайхан баг. Монголын антропологийн судалгаанд нэг хуудас нэмсэн гэж би онгирч байгаа, гэхдээ багш даруу бай гэж надад захидаг болохоор дуугай байхаас.
Өө нээрээ нэг сонин явдалтай таарах юм даа. Та нар ч таардаг байх. Энэ хүмүүс чинь дундаа нүхтэй хад асга харагдвал эхийн умай гээл шургаал орчих юм. Эргэр сэргэр мод чулуу байвал хадаг уяаад, мөргөөд унахын. Зарим нь бас өглөө гандан өдөр нь цуглаанд яваад үдэш нь онгодыг бишрэх юм. Юу л болоод байна даа. Хэрэгцээ байвал чөтгөрийг ч шүтэх хэрэгтэй юм шиг ээ. Би лав тэгнэ. Хэрэг болвол...
Сэтгэгдэлүүд:
Ene chini kharin sonirkholtoi sonsogdoj bna. Saikhan zuil olniig khiij baigaa yum bn aa ta nar amjilt khsie.
Bi mergejliin bish bolohoor unendee sudlaachdiin namtar zergiig neg ih sonirhsongui
Busad ni bol taalagdlaa
End mergejleeree uwchluud gej bichjee
Neg zuil asuumaar sanagdlaa
Yagad ene mergejliig songoson be?
Hiigem soyoliin antropology geheer neg l sanaand buuhgui yum
Tehdee uuchlaarai uguisgej bgaa hereg bish zugeer l medehguid ereen tsoohor gdg shig l yum bolj bh shig bn daa
duduka; bayrllaa
Б.Баясгалан; manai uhaanii suuri nariin helbel sociologytoi barag zereg tawigdsan bh shuu, 19 zuunii dund hawi bolno. chamd geneheneer ongirohod uls turiin shinjleh uhaanaas umnu bh aa. he he he
bolor7erdene; hooh mundag hun minii blogoor orj irsen bn shuu, luuhagar blogchin bayrllaa.
Сэтгэгдэл үлдээх: